Një sulm me thikë në fundjavë në një shkollë profesionale në Jiangsu, në Kinën lindore la tetë persona të vdekur dhe 17 të plagosur, sipas raporteve të policisë.
Sulmi ndodhi në Institutin Profesional të Arteve dhe Teknologjisë Wuxi në qytetin Yixing të shtunën në mbrëmje, tha policia.
I dyshuari për sulmin, një 21-vjeçar i identifikuar vetëm si Xu, ishte i motivuar nga zemërimi për shkak të dështimit të tij për të kaluar provimet dhe për të fituar një diplomë nga instituti, si dhe për pakënaqësinë me kompensimin e praktikës, sipas policisë lokale, e cila kanë ndaluar Xu.
Kina ka parë disa sulme me thikë këtë vit, duke përfshirë në shtator, kur një 44-vjeçar dyshohet se theri me thikë një nxënëse 10-vjeçare japoneze në Shenzhen – në Kinën jugore, dhe në qershor në Kinën verilindore, kur katër instruktorë të kolegjit amerikan dhe një vendas turist u plagosën.
