Forcat Hapësinore Ajrore të Korpusit të Gardës Revolucionare të Iranit (IRGC) zbuluan sot atë që televizioni shtetëror e quajti qytet raketash nëntokësore.
Baza e raketave u zbulua nga komandanti i IRGC-së Hossein Salami dhe shefi i sektorit të hapësirës ajrore Amir-Ali Hajizadeh.
Agjencia e lajmeve Tasnim thotë se baza u përdor në sulmet me raketa iraniane ndaj Izraelit në operacionet "Premtimi i vërtetë 1" dhe "Premtimi i vërtetë 2" në prill dhe tetor 2024.
"Vullkani i shtrirë poshtë këtyre maleve mund të shpërthejë në çdo moment," tha televizioni shtetëror.
Më herët gjatë ditës, Salami tha se Irani posedon më shumë raketa sesa mund të ruajë, duke hedhur poshtë “propagandën armike për dobësimin e forcave të armatosura pas sulmeve izraelite ndaj Iranit dhe aleatëve të tij.”
