Agjencia shtetërore libaneze e lajmeve NNA thotë se një aeroplan zbulues izraelit fluturoi në lartësi të ulët mbi qytetin jugor të Tirit.
Forcat izraelite hodhën në erë disa shtëpi në qytetin Aita ash-Shaab në Libanin jugor, tha i njëjti burim.
Ushtarët izraelitë organizuan gjithashtu një operacion kërkimi në shkallë të gjerë në qytetin Khiam, ndërsa automjetet ushtarake u raportuan se po përparonin në qytetin Meiss El-Jabal, tha NNA.
Libani dhe Izraeli arritën një marrëveshje armëpushimi më 27 nëntor për t’i dhënë fund luftimeve 14 mujore midis ushtrisë izraelite dhe grupit Hezbollah që nga fillimi i luftës në Gaza.
Autoritetet libaneze kanë raportuar më shumë se 470 shkelje izraelite të marrëveshjes, duke përfshirë vdekjen e 32 personave dhe plagosjen e 39 të tjerëve.
