Izraeli kërkon demilitarizimin e plotë të Sirisë jugore dhe nuk do të tolerojë “asnjë kërcënim” për popullatën Druze në këtë rajon, ka deklaruar kryeministri izraelit, Benjamin Netanyahu.
Forcat e Mbrojtjes të Izraelit (IDF) “do të qëndrojnë në sektorin Hermon dhe në zonën tampon [në Golanin sirian] për kohë të pacaktuar për të mbrojtur komunitetet tona dhe për të parandaluar çdo kërcënim”, ka thënë udhëheqësi izraelit para oficerëve të rinj në një ceremoni diplomimi në IDF.
“Është më mirë të dëgjoni”, ka paralajmëruar ai, “nuk do të lejojmë që forcat e HTS-së ose ushtria e re siriane të hyjnë në territorin jugor të Dimaaskut”.
Netanyahu ka theksuar tri qëndrime kyçe të politikës izraelite ndaj Sirisë jugore, shkruan ap.
IDF do të qëndrojë në malin Hermon dhe në zonën tampon në Golan për kohë të pacaktuar, duke siguruar sigurinë e komunitetit izraelit; Ushtrisë siriane nuk do t’i lejohet të përparojë në jug të Dimaaskut, duke kufizuar në mënyrë efektive kontrollin e Damaskut mbi këtë rajon; Izraeli do të sigurojë mbrojtjen e Druzëve në Siri, duke parandaluar çdo kërcënim për komunitetin e tyre.
Me këto veprime, Izraeli po krijon një zonë tampon në Sirinë jugore, duke u fokusuar në mbrojtjen e popullatës lokale Druze. Kjo politikë mund të çojë në një ri-definim afatgjatë të kontrollit mbi rajonin dhe gjithashtu mund të shkaktojë reagime nga qeveria siriane dhe aktorët e tjerë rajonalë.
Ai vazhdoi duke theksuar se Izraeli do të vazhdojë të mbajë pozitat komandimi brenda Libanit që mbrojnë komunitetet izraelite, derisa ushtria dhe qeveria libaneze “të përmbushin të gjitha angazhimet” e parashikuara në armëpushimin izraelito-libanez.
Netanyahu gjithashtu përsëriti angazhimin për të parandaluar që Irani të arrijë tek armët bërthamore, duke theksuar se ky objektiv është i rëndësishëm jo vetëm për sigurinë kombëtare të Izraelit, por edhe për sigurinë globale.
Kur flet për luftën në Gaza, Netanyahu tha se qeveria mbetet e angazhuar për objektivat e luftës.
“Rikthimi i të gjithë pengjeve – ë gjallë dhe të vdekur – në shtëpi; shkatërrimi i kapaciteteve ushtarake dhe qeveritare të Hamasit në Gaza; parandalimi i çdo kërcënimi të mundshëm nga Gaza ndaj Izraelit; dhe rikthimi i sigurt i qytetarëve tanë të dashur nga jugo dhe veriu në shtëpitë e tyre”.
Ai vazhdoi duke thënë se “në çdo moment jemi të gatshëm të kthehemi në një luftë të ashpër. Planet operative janë gati”.
Netanyahu gjithashtu iu referua Bregut Perëndimor, duke thënë se “forcat po përparojnë thellë në kampet e refugjatëve me fuqinë e plotë. Ata po shkatërrojnë infrastrukturën terroriste, po eliminonin terroristët dhe do të qëndrojnë atje sa herë të jetë e nevojshme”.
