KB Trepça ka zyrtarizuar amerikanin e tretë brenda pak ditësh, duke vazhduar me intensitet krijimin e një skuadre të fortë.
Basketbollisti amerikan Andrew Gordon është përforcimi më i ri i KB Trepçës për sezonin e ri.
Ekipi nga Mitrovica, të martën ka njoftuar për angazhimin e qendrës Gordonit.
“Trepça shton centimetrat duke angazhuar qendrën amerikane Andrew Gordon. Gordon i bashkohet Trepçës nga Louisiana Tech nga NCAA”, thuhet në njoftimin e ekipit nga Mitrovica.
Gordon është amerikani i tretë te Trepça, pasi më herët janë zyrtarizuar edhe Ty Cockfield e Gerald Blackshear.
