Edmond Azemi vendosi të pensionohet, por gjurmët e tij do të mbeten përgjithmonë në basketbollin e Kosovës. Karriera e tij është e bujshme, duke qenë njëri nga sportistët më të trofeshëm në Kosovë.
“Edo” ishte kapiteni i parë i Kosovës në basketboll, duke dhënë kontributin e tij te Dardanët, kurse për dekada mbrojti ngjyrat e Sigal Prishtinës.
Për nder të pensionimit dhe karrierës së lavdishme të Edos po realizohet një mural nga artistja Kitsune nga Belgjika në kuadër të projektit "Jepi ngjyrë Prishtinës", me iniciativë të Drejtorisë së Kulturës dhe Sportit të Komunës së Prishtinës.
Azemi po ashtu është një shembull për gjenerata të reja, duke punuar shumë, për tu mos u ndalur asnjëherë.
