Fedarata Shqiptare e Basketbollit ka hedhur mesditën e sotme shortin e gjysmëfinaleve të Kupës së Shqipërisë për femra.
Pas takimeve çerekfinale të luajtura javën e kaluar, katër ekipet e kualifikuara janë Tirana Barleti Basket, Partizani, Flamurtari e Tirana.
Shorti i gjysmëfinaleve ka qenë i lirë dhe ka dhuruar këto ballafaqime: Tirana Barleti Basket–Flamurtari dhe derbin Partizani-Tirana.
Këto sfida do të luhen më 21 janar (e premte), në pallatin e sportit “Asllan Rusi” në kryeqytet, ku të shtunën do të luhet edhe finalja.
Gjysmëfinale (21 janar)
Tirana Barleti Basket – Flamurtari, 16:00
Partizani – Tirana, 18:00.
