Të shtunën ka filluar Liga Junior NBA Kosova, ku është zhvilluar xhiroja e parë.
Fëmijët e moshës 11-14 vjeç kanë luajtur ndërmjet tyre, varësisht sipas shortit, derisa të dielën do të zhvillohet xhiroja e dytë.
Kjo Ligë zhvillohet në mbarë Kosovën, ku 30 Shkolla janë ndarë në dy Konferenca dhe gjashtë Divizione, varësisht nga Regjioni ku i takojnë.
Tetë më të mirat e Konferencës kualifikohen në “Play-off” dhe më pas zhvillohet “Final Four”, ku shpallet skuadra kampione.
Ky është një projekt madhor nga Federata e Basketbollit e Kosovës (FBK), derisa synon të zhvillojë gjeneratat e reja dhe masivizimin e basketbollit në të dyja konkurrencat.
