Los Angeles Lakers janë mposhtur në ndeshjen që e luajtën kundër Philadelphia 76ers.
76ers kanë marrë një tjetër fitore, kësaj radhe ndaj Lakers, me rezultatin 126:121.
Skuadra e Philadelphia u udhëheq nga Joel Embiid, i cili edhe në këtë ndeshje pati një paraqitje fenomenale.
Qendra e 76ers kontribuoi me 30 pikë, duke shtuar po ashtu edhe 10 kërcime, për ‘Double-double’.
Ndeshje të mirë pati edhe James Harden, i cili ndihmoi skuadrën e tij me 24 pikë, duke pasur edhe shtatë asistime e shtatë kërcime.
Te Lakers u dalluan Russell Westbrook e Dwight Howard, me nga 24 pikë secili.
Skuadra e 76ers shkon tashmë në një rekord 45-27 këtë sezon, kurse Lakers në 31-42.
