Skuadra kampione e Milwaukee Bucks u mposht 127-102 nga Memphis, një përballje mes dy ekipesh pretendente për titull këtë sezon në NBA. Antetokounmpo realizoi 30 pikë e 11 rebound, por që s’mjaftuan, ndërsa për Memphis u dallua Melton me 24 pikë.
Humbet edhe Chicago, që u ndal 98-94 nga Cleveland, në një sfidë të ekuilibruar. Garland me 28 pikë ishte më i miri në fushë për vendasit. Fitore të lehtë korri skuadra e Toronto, që mundi 131-91 Indiana, sfidë ku u dallua Siakam, autor i 23 pikëve.
Fiton ekipi i Brooklyn, që mposhti 110-95 Miami, duke detyruar ekipin nga Florida të dorëzojë kreun. Për nets u dallua Durant me 23 pikë. Ndeshje e mirë për Nikola Jokic, që realizoi 35 pikë e 12 rebound në fitoren që Denver arriti ndaj Oklahoma me shifrat 113-107.
NBA – Rezultatet e sotme
New Orleans – San Antonio, 103-107
Orlando – Sacramento, 110-114
Toronto – Indiana, 131-91
Cleveland – Chicago, 94-98
Memphis – Milwaukee, 127-102
Miami – Brooklyn, 95-110
Denver – Oklahoma, 113-107
Portland – Houston, 98-115
