Federata e Basketbollit e Kosovës (FBK) falënderon të gjithë tifozët shqiptarë që e kanë përkrahur Kosovën në përballjen ndaj Danimarkës, që u zhvillua të enjten mbrëma në Naestved.
Pavarësisht rezultatit, tifozët shqiptarë kanë mbështetur vazhdimisht basketbollistët e Kosovës, duke krijuar një atmosferë të bukur sportive.
Pas ndeshjes ata janë fotografuar dhe kanë marrë fanellat e lojtarëve të Kosovës.
Si gjithmonë përkrahja nuk mungoi në Naestved nga tifozët shqiptarë, ashtu siç nuk ka munguar në asnjë ndeshje, kur Kosova ka luajtur si mysafire.
FBK i falënderon të gjithë tifozët kudo që mbështesin Kosovën.
