Peja ka treguar zemër të madhe në kryeqytet, ashtu si i ka hije, duke e nisur me fitore të madh ndaj rivalit të vjetër Sigal Prishtinës.
Pejanët shënuan fitore me rezultat 76:70 (17:19, 23:11, 9:22, 27:18 ) ndaj Prishtinës, në javën e parë të Kampionatit të Kosovës në basketboll.
Ndeshje me rivalitet të madh mes Sigal Prishtinës dhe Pejës, u përcoll nga një numër i madh i shikuesve, mbi 2 mijë veta në palestrën e Rinisë dhe të Sportit në Prishtinë.
Çereku i parë ishte interesant por përfundoi me dy pikë dallim (19:17) në të mirë të prishtinasve.
Peja tregoi lojë shumë të mirë në çerekun e dytë dhe arriti të shkëputet në epërsi me 10 pikë (30:40).
Prishtina tregoi tjetër fytyrë në çerekun e tretë, gradualisht shkriu epërsinë e verdhezinjve dhe kaloi në epërsi me 52:49 në minutën e 30-të.
Çereku i fundit ishte interesant, në minutën e 35-të 61:57 për prishtinasit.
Në minutën e 38-të, Peja ngushton rezultatin në 65:64.
Peja energjike, kalon në epërsi me tre pikë (67:70) në minutën e 39-të.
Peja ka shënuar fitore me rezultat 76:70 ndaj Prishtinës së Dardan Berishës.
Dardan Berisha me 25 pikë e Dustin Thomas me 15, janë më efikasit të Prishtina dhe Rodney Purvis me 17 pikë e Jalen Tate me 14 të Peja.
Duhet theksuar që ndeshja u ndërpre tre të qindtat e sekondës para fundit për shkak të hyrjes së tifozëve të Prishtinës në parket dhe vërsuljes ndaj lojtarëve të Pejës.
