Skuadra e Miami Heat, në fitoren 112-111 arritur sot ndaj Oklahomës, vendosi një rekord të jashtëzakonshëm në NBA.
Ekipi nga Florida i realizoi të gjitha gjuajtjet e lira në dispozicion në këtë takim: 40 të tilla të sakta, pa gabuar asnjë.
Pra, 40 gjuajtje të lira në dispozicion dhe 40 pikë për ekipin e Miami, që theu rekordin që mbahej nga Utah Jazz. Në vitin 1982, ekipi i Jazz i realizoi të 39 gjuajtjet e lira në dispozicion, por tashmë ai rekord i përket së shkuarës.
Dy gjuajtjet e lira të fundit u realizuan nga Jimmy Butler (36 pikë), 12 sekonda nga fundi i takimit. Gjuajtjet e tij të sakta i dhanë fitoren ekipit të Miami Heat.
