Tërmeti që ka goditur para disa ditësh Turqinë dhe ka gjunjëzuar këtë vend ka bërë që të gjitha eventet e planifikuara për t’u organizuar aty të anullohen.
Nuk bën përjashtim nga ky vendim edhe eventet ndërkombëtare, që për momentin janë anulluar, deri në një moment të dytë.
Kështu, Kampionati Balkanik i Atletikës, që zhvillohet çdo vit në Turqi, është anuluar.
Ky event ishte planifikuar të organizohej më datat 11-12 shkurt në Stamboll, ku do të merrnin pjesë edhe disa atletë nga Shqipëria.
Gjithashtu, janë anulluar edhe dy ndeshjet e Euroleague në basketboll për meshkuj:
Fenerbahce-Armani Milano dhe Anadolu Efes-Real Madrid. Të dyja këto ndeshje ishin planifikuar për t’u luajtur në Stamboll, por janë shtyrë për një moment të dytë.
