Skaudra kampione e Golden State u mund 109-103 nga Lakers, në një ndeshje me shumë rivalitet, ku në radhët e të dyja ekipeve munguan kapitenët: Stephen Curry e LeBron James.
Dennis Schroeder me 26 pikë ishte shënuesi më i mirë për Lakers, duke i bërë të pavlefshme 29 pikët e Jordan Poole për kampionët.
Skuadra e Sacramento mundi 133-128 pas kohës shtesë Dallas. Irving e Doncic realizuan së bashku 55 pikë, por që s’mjaftuan për të evituar humbjen. Për vendasit u dallua Fox me 36 pikë.
Fitore të vështirë jashtë fushe korri Philadelphia, që mundi 101-98 Brooklyn, sfidë ku Embiid realizoi 37 pikë e Harden 29.
Rikthehet te fitorja ekipi i Denver, që mundi 119-105 Charlotte, ku sërish Nikola Jokic ishte protagonist me një “triple double” (30 pikë, 16 rebound, 10 asist).
Fiton edhe Cleveland, që falë 29 pikëve e 10 rebound të Mitchell mundi 97-89 Chicago, ndërsa Miami mposhti 107-103 Orlando, ndeshje ku u dallua Herro me 23 pikë.
NBA – Rezultatet e sotme
Brooklyn – Philadelphia, 98-101
Charlotte – Denver, 105-119
Orlando – Miami, 103-107
Washington – Indiana, 127-113
Atlanta – San Antonio, 125-106
New York – Utah Jazz, 126-120
Cleveland – Chicago, 97-89
Golden State – Lakers, 103-109
Sacramento – Dallas, 133-128
