Ka ndërruar jetë sot në orët e mëngjesit basketbollisti kroat, Toni Vidoviq.
“Vidoviq, 16-vjeçar i ekipit Fiumen Sancti Vitija (FSV), ka ndërruar jetë sot në orët e mëngjesit, dy ditë pasi u sëmurë gjatë ndeshjes që u zhvillua të enjten në mbrëmje.
I riu nga Rijeka u rrëzua teksa ishte ulur në stol gjatë ndeshjes së Ligës së Qarkut për junior midis FSV dhe Zamet në sallën e shkollës fillore Srdoçi.
Të riun fatkeq u tentua ta shpëtonin me reanimacion dhe më pas ai u transportua në gjendje kome në KBC Rijeka.
Pas dy ditësh luftë me jetë, ai humbi betejën.
Ende nuk dihet shkaku i vdekjes, pritet të bëhet autopsia.
Klubi dhe Shoqata e Basketbollit të Qytetit të Rijekës i kanë dhënë lamtumirën e fundit basketbollistit të ri në rrjetet e tyre sociale”, shkruan media kroate “Veçernj List”.
