Peja ka pësuar humbje në derbin e xhiros në Ligën Ballkanike të basketbollit BIBL si mysafire kundër skuadrës Hapoel Beer Sheva në Izrael, me rezultat 88:81.
Edhe pse lojtarët pejanë luftuan fort, nuk arritën t’i shmangen humbjes.
Ndeshja ishte e vështirë për skuadrën kosovare që nga fillimi, pasi vendasit morën avantazhin qysh në fillim, teksa dy çerekët e parë i mbyllën me një diferencë të madhe në pikë, 50:30.
Megjithatë, Peja nuk u dorëzua dhe ktheu lojën në çerekun e tretë, duke e fituar këtë periudhë loje. Por, kjo nuk ishte e mjaftueshme për të fituar ndeshjen.
Në çerekun e katërt, Peja u afrua, por nuk arriti edhe të realizojë përmbysje e rezultatit.
Peja renditet e dyta në tabelë me shtatë fitore dhe dy humbje, ndërsa Hapoel Beer Sheva udhëheq në tabelë me nëntë fitore dhe një humbje.
