Nëse dikujt sot i thua se edhe në vitin 1996 ka pas incidente në basketbollin e Kosovës, do t’i dukej një ëndërr apo e pabesueshme, veçmas që në atëkohë luanin në salla të improvizuara për shkak se palestrat sportive ishin të uzurpuara nga regjimi serb, organizatorët u detyruan të zbrazin atë nga shikuesit.
Nuk kishte polici sepse Kosova ishte e okupuar nga regjimi serb, por ata që ishin organizatorë të ndeshjes, u përkujdesën për siguri.
Më 17 nëntor të vitit 1996, rrihen mes vete basketbollistët e Yllit me shikuesit e Prishtinës.
Tabela më 19 nëntor - 1996, pas javës së 2-të
Ndeshjen e fitoi Prishtina me rezultat të thellë 97:83, në kuadër të javës së dytë të Ligës së Parë të Kosovës.
“Në minutën e 22-të të ndeshjes basketbollistike ndërmjet Prishtinës dhje Yllit, kur rezultati ishte në 83:65 për vendasit, u shkaktua një incident i rëndë ndërmjet basketbollistëve të Yllit dhe shikuesve në sallë.
Iniciator i këtij incidenti të turpshëm ishte basketbollisti i Yllit, S. Musliu, i cili pas fjalosjes me një shikues, e sulmoi fizikisht atë.
Këtij menjëherë i dolën në ndihmë bashkëlojtarët F. Berisha, R. Kuçi. Shala e të tjerët, tejet agresivë dhe të paktën u krijua një rrëmujë dhe pas ndërhyrjes së vendasve dhe anëtarëve të udhëheqjes e basketbollistëve të tjerë, situata u qetësua.
Ndërprerja zgjati afro 20 minuta dhe pas zbrazjes së sallës, vazhdoi ndeshja”, ka shkruar mes të tjera “Bujku” me datën 19 nëntor të vitit 1996.
Në radhët e prishtinasve u dallua Muhamet Bajrami me 28 pikë, ndërsa tek Ylli Ruzhdi Kuçi me 23 e Agron Berisha me 22 pikë.
Prishtina – Ylli 97:83 (60:42)
Gjyqtar: Azem Hoxha (Prizren) e Burim Koshi (Gjakovë).
Prishtina: Agaj 19, Beqiri, Maraj, Stavilec 14, Murati 10, Sylejmani, Berisha 4, Bajrami 28. Fetahu 3, Osmani 17 dhe Rugova 2.
Ylli: A. Berisha 22, M. Berisha, Shala, Selmanaj, F. Berisha 11, Musliu 11, Buqaj 6, Bytyqi, B. Berisha 10 dhe R. Kuçi 23.
