Qipro ka fituar ndaj Azerbajxhanit në finale të Evropianit U-16 Divizioni C për meshkuj U16, me rezultat 78:75 (21:18, 21:26, 14:14, 22:17).
Finalja ka qenë e jashtëzakonshme, ku fituesi është vendosur në sekondat e fundit, me Alexandros Papadopoulos, i cili realizoi pikët vendimtare.
Medaljet për fituesin e Kampionatit i ndanë Nënkryetari i FBK-së, Artan Kurti dhe Anëtarja e Bordit të FBK-së, Teuta Abudllahu.
Trofeun e kupës te kapiteni i Qipros, Dimitris Mannaris e ndau Komisoneri i FIBA-s, Martin Ford.
Medaljet e bronzta për Andorrën i ndanë Drejtori Teknik i FBK-së, Arben Krasniqi dhe Anëtari i Bordit, Rrahman Përteshi. Për vendin e dytë, që ishte Azerbajxhani medaljet i ndau Anëtari i Bordit të FBK-së, Artan Qerkini, si dhe Komisoneri i FIBA-s, Dino Ena Seghetti.
Çmimin për MVP për basketbollistin e Qipros, Demir Oztoprak e ndau Anëtarja e Bordit, Teuta Abdullahu, kurse për pesë lojtarët më të mirë të Kampionatit çmimet i ndau Nënkryetari i FBK-së, Artan Kurti dhe Menaxherja e Eventeve dhe Basketbollit 3x3 Artina Hasani.
Basketbollisti i Kosovës, Lis Binishi u zgjodh në pesëshen më të mirë të Evropianit.
Kosova është renditur e katërta nga nëntë shtetet pjesëmarrëse.
Ky Evropian u organizua nga 19 korriku.
Federatës së Basketbollit të Kosovës iu nda çmimi për organizimin e eventit, ku çmimin e pranoi Drejtori Teknik në FBK, Arben Krasniqi.
Pesë lojtarët më të mirë të kampionatit ishin:
1. Lis Binishi-Kosova
2. Dimitris Mannaris-Qipro
3. Ignasi Armengol-Andorra
4. Derin Berkoz-Azerbajxhan
5. Demir Oztoprak-Qipro
Renditja përfundimtare
1. Qipro
2. Azerbajxhan
3. Andorra
4. Kosova
5. Armenia
6. Shqipëria
7. Malta
8. San Marino
9. Gjibraltar
