Gjermania ka kaluar në finalen e madhe të Kampionatit Botëror në basketboll.
Kombëtarja gjermane eliminoi sot Shtetet e Bashkuara të Amerikës në gjysmëfinale.
Ndeshja ishte tejet interesante dhe dramatike, teksa u mbyll me shifrat 111:113.
Andreas Obst me 24 pikë, Franz Wagner me 22 dhe Daniel Theis me 21 sosh, ishin basketbollistët me meritorë në këtë triumf të Gjermanisë.
Te amerikanët u dalluan Anthony Edwards me 23 pikë dhe Austin Reaves me 21 sosh.
Gjermani në finale do të takohet me Serbinë. Finalja e madhe do të zhvillohet më 10 shtator.
