Edicioni i ri nuk ka filluar me qetësi në basketbollin e Kosovës, në ndeshjet e para të Superkupës (meshkujt), ka pas dhunë mes disa basketbollistëve.
Vëllaznimi ka marrë masa ndaj basketbollistëve që janë përfshirë në përleshje.
“KB Vëllaznimi njofton tifozët ‘Kuqezinjët e Jakovës’ dhe të gjithë adhuruesit e klubit se klubi i qytetit ka adresuar zhvillimet e fundit dhe konform rregullave të klubit ka marrë masa ndaj lojtarëve të përfshirë që kanë thyer kodin disiplinor dhe të sjelljes sportive.
KB Vëllaznimi dënon rastin në fjalë dhe është i vendosur të luftojë që rastet e tilla të shëmtuara të qëndrojnë larg nga sporti.
KB Vëllaznimi siguron adhuruesit se klubi është i fokusuar vetëm në ndeshjen e radhës dhe shkon me motiv të lartë në Suharekë për duelin çerekfinal të Superkupës ndaj nikoqirit, KB Golden Eagle Ylli”, reagon Vëllaznimi.
