Kampioni i Kosovës në basketboll, Peja do të zhvillojë sot ndeshjen e parë si vendase në FIBA Europe Cup.
Me fillim nga ora 19:00, Peja ndeshet me skuadrën e njohur holandeze, Heroes Den Bosch, në palestrën e sporteve “Karagaçi”, raporton KosovaPress.
Në ndeshjen e parë të kësaj gare, Peja u mposht 98:72 nga skuadra gjermane NINERS Chemnitz, kurse Heroes Den Bosch u mposhtën nga GE Spojnia Stargard me shifrat 89:92.
Kampioni i Kosovës ishte në kualifikimet e Ligës së Kampionëve, por që u mposht nga kampioni i shumëfishtë i Danimarkës, Bakken Bears Aarhus me rezultat 103:79.
