Kampionët e Denver korrin fitoren e 16-të sezonale në NBA, duke mundur 114-106 Chicago jashtë fushe. Jackson me 25 pikë ishte shënuesi më i mirë për Denver, ndërkohë që 50 pikë u realizuan nga lojtarët e stolit. Humbasin Lakers, që u mundën 127-125 nga Dallas. Doncic me 32 pikë e Hardaway me 32 pikë fituan duelin me dyshen Davis-James, që realizuan 70 pikë së bashku.
Pa probleme fiton Boston, që mposhti në fushën e tij Cleveland me rezultatin 120-113. Të gjithë titullarët e Boston realizuan mbi 10 pikë, ndërkohë që fitorja e ngjit ekipin në krye të renditjes në Lindje.
Në sekondat e fundit humbet Golden State, që u mund 119-116 nga Phoenix, ndeshje me rivalitet. Booker me 32 pikë ishte lider në fund për Suns. Fiton ekipi i Clippers, që falë 31 pikëve të Leonard, mundi 119-99 Sacramento dhe hyn në zonën play off.
NBA-Rezultatet e sotme
Boston – Cleveland, 120-113
Dallas – Lakers, 127-125
Chicago – Denver, 106-114
Phoenix – Golden State, 119-116
Clippers – Sacramento, 119-99
