KB Prizreni njofton se Arti Hajdari u aksidentua me veturë pas ndeshjes me Sigal Prishtinën!
Klubi i basketbollit Prizreni ka njoftuar se basketbollisti i tyre, Arti Hajdari është përfshirë në një aksident trafiku pas ndeshjes me Sigal Prishtinën.
Përmes një postimi në faqen e tyre në Facebook, ekipi prizrenas njofton se Hajdari është mirë me shëndet.
Madje, ai aktualisht gjendet në dasmën e kapitenit të Prizrenit.
"Ne media po qarkullon lajmi mbi aksidentin e basketbollistit tanë Arti Hajdari pas përfundimit të ndeshjes me Sigal Prishtinën.
Lajmi është i drejt por fal mrekullisë së Zotit, Arti Hajdari është shëndosh e mirë dhe tani gjendet në dasmën e kapitenit të ekipit Qëndrim Ajazaj i cili sot i dha fund beqarisë.
Ju faleminderit shumë për pyetjet dhe interesimin e treguar. Jemi mirënjohës pa fund.
Si qershi mbi tortë i urojmë martesën kapitenit dhe urojmë jetë të gjatë e të lumtur", njofton KB Prizreni.
