Penza e Pejës dje ka fituar ndeshjen më të rëndësishme të pjesës së rregullt të kampionatit, ndaj rivalit direkt për vendin e katërt siç është Trepça.
Penza ngadhënjeu me rezultat 82:78 ndaj Trepçës.
Një fitore e madhe për vashat pejane të cilat ngriten në vend të katërt me 26 pikë e kanë një më shumë se Trepça një vend më poshtë pas javës së 19-të.
Kryetrajneri i Penzës, Fabian Gjuka, tha se ka arritur qëllimin një javë pa ra perdja e pjesës së rregullt të kampionatit, për faktin se pozita e katërt garanton play- off-in.
“Qëllimin për të cilin u ktheva në klubin e zemrës ku kalova momentet më të mira e më të lavdishme e arrita dhe qëllimin që ma pat tregu kryesia e klubit”, thotë Gjuka për gazetën kombëtare “Bota sot”.
Gjuka thotë se Penzën e sheh si befasi të këtij edicioni:
“Penzën e shoh surprizën me të këndshme të kampionatit. Dhe besoj që nuk do të ndalemi dhe nuk do kënaqem me kaq”.
