Kampionët e Boston u mundën 117-108 në fushën e tyre nga Chicago, duke humbur ndjeshëm terren në renditje. Zach LaVine me 36 pikë ishte shënuesi më i mirë për Bulls, duke i bërë të pavlefshme 31 pikët e Tatum për vendasit.
Humbet edhe ekipi i Golden State, që u mund 144-93 nga Memphis. Vendimtar stoli i ekipit vendës, nga ku erdhën 81 pikë. Pas kohës shtesë fiton San Antonio, që mundi 133-126 Atlanta, sfidë ku u dallua Wembanyama, autor i 42 pikëve.
Jashtë fushe fiton edhe skuadra e Lakers, që mundi 113-100 Sacramento. Ndeshje e mirë për Reaves, që realizoi 25 pikë, mbështetur nga Davis me 21 pikë e 19 rebound.
Në këtë ndeshje, LeBron James vendosi rekordin e minutave të luajtura në kohën e rregullt në NBA, me 57.471 minuta. Ai kaloi një legjendë si Kareem Abdul Jabbar.
NBA-Rezultatet e sotme
Detroit – Utah Jazz, 119-126
Orlando – Oklahoma, 99-105
Washington – Charlotte, 123-114
Boston – Chicago, 108-117
Toronto – Brooklyn, 94-101
Houston – New Orleans, 133-113
Memphis – Golden State, 144-93
San Antonio – Atlanta, 133-126
Dallas – Clippers, 95-118
Phoenix – Indiana, 111-120
Minnesota – New York, 107-133
Portland – Denver, 126-124
Sacramento – Lakers, 100-113
