Janë luajtur dy nga tri takimet e javës së 10-të të Kampionatit Kombëtar në Basketboll për femra.
Tirana fitoi 75-58 ndaj Partizanit në derbin kryeqytetas, ndeshje e luajtur në “Fahrie Hoti”. Pas një periode të parë të ekuilibruar, bardheblutë shkëputen dhe e komandojnë ndeshjen deri në fund.
Për Tiranën u dallua Emani me 25 pikë e 14 rebound, më e mira në fushë, mbështetur edhe nga Qosja me 19 pikë. Për Partizanin, Dick realizoi 22 pikë por që s’mjaftuan. Falë këtij suksesi, Tirana udhëheq e vetme renditjen me 17 pikë, shkëputur ndjeshëm nga rivalet.
Në “Asllan Rusi”, ekipi i Teutës fitoi 75-67 ndaj Studentit, sukses që erdhi në periodën e tretë për mikeshat nga Durrësi. Bryant me 27 pikë dhe Jace me 20 pikë bënë diferencën në fushë për Teutën, duke i bërë të pavlefshme 36 pikët e dyshes Spahiu-Gjergji për të kuqtë.
Kategoria e Parë-Femra, java e 10-të
Studenti – Teuta, 67-75
Tirana – Partizani, 75-58
Vllaznia – Elbasani, 22 dhjetor
Flamurtari (pushim)
Renditja: Tirana 17 pikë, Flamurtari 15 pikë, Partizani 15 pikë, Teuta 12 pikë, Studenti 11 pikë, Vllaznia 10 pikë, Elbasani 7 pikë.
