Në ditën e parë të vitit të ri janë zhvilluar ndeshje në elitën e basketbollit amerikan NBA.
Feniks Sans u mposhtën para adhuruesve të tyre nga Memfis Grizlis me rezultat 117:112.
Xhekson udhëhoqi Grizlit drejt fitores me 38 pikë, 11 kërcime dhe katër asiste, ndërsa Bejn shtoi 31 me shtatë asistime dhe pesë kërcime.
Për Suns, më të mirët ishin Durant me 29 pikë, dhjetë kërcime dhe gjashtë asiste dhe Xhons me 21 pikë, katër kërcime dhe dy asistime. Buker e përfundoi ndeshjen me 16 pikë, nëntë asistime dhe katër kërcime.
Klivlendi vazhdoi me ndeshjet më të mira të këtij sezoni dhe shënoi fitoren e 29-të dhe atë në shtëpinë e Los Angeles Lejkersit me rezultat 122:110. Qendra Xharent Alen i udhëhoqi ata drejt fitores me 27 pikë dhe 14 kërcime, ndërsa Mitçell shtoi 26 me katër kërcime dhe asistime. Mobli e përfundoi ndeshjen me 20 pikë dhe gjashtë kërcime.
Rivs ishte më i miri për Lejkersat me 35 pikë, dhjetë asistime dhe nëntë kërcime, ndërsa Dejvis shtoi 28 me 13 kërcime dhe katër asistime, derisa LeBron Xhejms ishte gjithashtu dyshifror me 23 pikë, shtatë asistime dhe katër kërcime..
