Elita e basketbollit tonë rikthehet sot me superpërballjen mes Trepçës dhe Golden Eagle Yllit.
Mitrovicasit dhe Ylli do të përballen në sfidën kryesore të javës 16-të.
Mitrovicasit janë liderë me 11 fitore e katër humbje, ndërsa therandasit ndodhen në vendin e gjashtë me shtatë fitore e tetë humbje. Takimi është shumë i rëndësishëm, andaj të dy skuadrat hyjnë vetëm për fitore.
Ndërkaq, të dielën luhen tri ndeshjet e fundit të kësaj xhiro. Në kryeqytet do të ballafaqohen skuadrat prishtinase, Sigal Prishtina-Bora, në një sfidë emocionuese. Në stinorin vjeshtor, të dy skuadrat kishin nga një fitore ndaj njëra-tjetrës, andaj pritet një ndeshje shumë interesante në kryeqytet. Sigal Prishtina ka shtatë e tetë humbje, ndërsa Bora pesë fitore e dhjetë humbje.
Takim interesant pritet edhe në Prizren, ku përballen dy skuadrat në formë, Bashkimi dhe Vëllaznimi. Prizrenasit ndodhen në vendin e dytë me dhjetë fitore e pesë humbje, ndërsa kuqezinjtë tetë fitore e shtatë humbje, ku kanë katër fitore radhazi.
Ndeshja e fundit e kësaj xhiro është ndërmjet Pejës dhe Proton Cable Prizrenit, ku fitorja është e vlefshme për të dy skuadrat. Verdhezinjtë kanë tetë e shtatë humbje, ndërsa prizrenasit katër fitore e 11 humbje.
Superliga/Java e 16-të
Sot takohen:
17:00 Trepça - Golden Eagle Ylli
E diel
17:00 Sigal Prishtina - Bora
17:00 Bashkimi - Vëllaznimi
19:00 Peja - Proton Cable Prizreni
