Ka nisur java e 11-të e Superligës në basketboll për meshkuj. Besëlidhja kampione fitoi 92-75 ndaj Apolonisë në Fier. Miqtë nga Lezha u shkëputën 27-7 që në periodën e parë dhe e administruan avantazhin deri në fund. Angle me 22 pikë ishte shënuesi më i mirë për Besëlidhjen.
Në Shkodër, u desh koha shtesë për të nxjerrë ekipin fitues, me miqtë nga Durrësi që triumfuan 96-91 ndaj Vllaznisë (koha e rregullt 84-84). Andrews me 26 pikë e Taylor me 24 bënë diferencën në fushë për durrsakët, që u treguan më të saktë në kohën shtesë.
Në takimet e Kategorisë së Parë për meshkuj, humbja e parë në kampionat për Elbasanin, që u mund nga Fieri Basket. Përfiton Partizani, që fitoi 78-65 në Vlorë ndaj Flamurtarit. Në ndeshjen e fundit të këtij grupi, Skënderbeu fitoi 118-88 derbin me Pogradecin.
Superliga-Meshkuj, java e 11-të
Apolonia – Besëlidhja, 75-92
Vllaznia – Teuta, 91-96
Tirana – Kamza Basket, 12 dhjetor
Renditja: Besëlidhja 22 pikë, Teuta 18 pikë, Apolonia 15 pikë, Vllaznia 15 pikë, Kamza Basket 13 pikë, Tirana 11 pikë.
Kategoria e Parë-Meshkuj, java e 11-të
Fieri Basket – Elbasani, 104-88
Pogradeci – Skënderbeu, 88-118
Flamurtari – Partizani, 65-78
Renditja: Elbasani 21 pikë, Partizani 19 pikë, Fieri Basket 17 pikë, Skënderbeu 16 pikë, Flamurtari 14 pikë, Pogradeci 11 pikë.
