Golden Eagle Ylli me kryetrajner të ri.
Alesh Pipan është në krye të ekipit therandas. Golden Eagle Ylli renditet në vend të gjashtë me 24 pikë pas javës së 17-të të në Superligën e Kosovës.
“Kemi kënaqësinë të prezantojë trajnerin tonë të ri, Alesh Pipan, një emër i njohur në basketbollin evropian.
Me një karrierë të gjatë dhe të suksesshme, Pipan ka udhëhequr klube prestigjioze si Krka, Union Olimpija, Zlatorog Lashko, Zadar, Anwil Włocławek, MZT Skopje, dhe ka shërbyer si trajner i kombëtareve të Sllovenisë, Polonisë dhe Maqedonisë së Veriut.
I njohur për strategjitë e tij të shkëlqyera dhe aftësinë për të zhvilluar ekipe fitimtare, Pipan sjell me vete një përvojë të jashtëzakonshme dhe një frymë të pathyeshme fitoreje.
Filozofia e tij e bazuar në disiplinë dhe bashkëpunim na jep besim të plotë se ai do të jetë udhëheqësi i duhur për ekipin tonë.
Le t’i urojmë mirëseardhjen një prej mendjeve më të mëdha të basketbollit dhe të bëhemi gati për një sezon të paharrueshëm!”, njofton KB Golden Eagle Ylli.
