Junior 06 Moni Bau ka fituar ndaj Trepçës në ‘Minatori’ me rezultat 64:69(14:23, 20:16, 21:19, 9:11) në javën e 12-të të Superliga Femrat.
Çereku i parë nisi më mirë për mysafiret që e mbyllën me shifrat 14:23, mirëpo në periudhën e dytë mitrovicaset u treguan për një nuancë më të mira 20:16, ku skuadrat shkuan në pushim me shifrat 34:39.
Perioda e tretë ishte e barabartë 21:19, kurse në dhjetëminutëshin u zhvillua një lojë stabile dhe u mbyllë 9:11, për të përfunduar 64:69 për prizrenaset.
Më e mira te Trepça ishte Blerta Mehana me shtatë pikë, dhjetë kërcime dhe një asistim, ndërsa te Junior 06, ishin Vesa Krasniqi me 12 pikë, 13 kërcime dhe tri asistime dhe Abigail Ogle me 18 pikë, tetë kërcime dhe dy asistime.
Trepça ka një fitore dhe dhjetë humbje, ndërsa Junior 06 Moni Bau ka pesë fitore dhe shtatë humbje.
