Basketbollistet e Çairit shfrytëzuan rastin për të ndërprerë serinë e tyre prej tri humbjesh radhazi në kampionatin vendas, pasi festuan bindshë ndaj Vardarit. Mysafirët fituan 81:107 dhe kështu arritën triumfin e nëntë në kampionat maqedonas.
Kelly shënoi 26, ndërsa Reja 18 pikë dhe ishin lojtarët më efikas të ekipit fitues.
Për skuadrën e Vardarit u dalluan Nastovski me 19, Danov me 11 dhe Mlladenovski me 10 pikë.
Në ndeshjen tjetër, Shkupi pësoi humbje nga Tikveshi me rezultat 106-92 në kuadrin e xhiros së 17-të të kampionatit vendor të basketbollit.
Mysafirët ishin më të mirë në fazën e parë të ndeshjes, duke fituar çerekun e parë, por Tikveshi u rikthye në të dytën dhe në të tretën duke shënuar 33:14 dhe duket se këtu e kanë zgjidhur çështjen e fituesit.
Lojtarët më efikas në ndeshje ishin Sila për mysafirët me 38 pikë dhe Gligorijevic për Tikvesh me 28 pikë.
