Vëllaznimi ia shkaktoi humbjen e parë Besëlidhjes në Ligën Unike.
Kuqezinjtë fituan në Tiranë me rezultat 89:83 (18:20, 23:24, 25:22, 23:17), në javën e tretë.
Sa i përket ndeshjes, ajo ishte kryesisht e baraspeshuar, duke u vendosu në dhjetë minutat e fundit.
Çereku i parë ishte i baraspeshuar, duke përfunduar 18:20, derisa e ngjashme ishte edhe në periudhën e dytë, 23:24, për të shkuar në pushim me rezultat 41:44.
Skuadra nga Gjakova ishte më e mirë në pjesën e dytë, ku periudhën e tretë e fitoi 25:22, derisa në dhjetëminutëshin e fundit u treguan më vendimtarë dhe vëmendshëm për të fituar 89:83.
Më i miri te Vëllaznimi ishte Don Polloshka me 20 pikë, katër kërcime dhe pesë asistime, kurse te Besëlidhja u dallua Vinsent Grazhdani me 20 pikë e 11 kërcime.
Tani të dy skuadrat kanë nga tri fitore dhe një humbje në Grupin A.
