Janë luajtur ndeshjet e javës së 16-të të Kampionatit Kombëtar në Basketbfoll për femra. Flamurtari mbron vendin e parë pas fitores 96-73 ndaj Teutës në Vlorë. Skuadrës vendase i mjaftoi pjesa e parë (48-32) për të vulosur fitoren, ndeshje ku u dallua Ramos me 28 pikë.
Në “Asllan Rusi”, ekipi i Partizanit fitoi me lehtësi 85-57 ndaj Vllaznisë, ndeshje ku të “kuqtë” u shkëputën që në periodën e parë. Më pas, Partizani administroi avantazhin, ku u dalluan Gjata me 18 poikë e Dick me 17 pikë (për Vllazninë Rreshpja realizoi 29 pikë).
Fitore të lehtë korri edhe Tirana, që mposhti 84-48 Elbasanin në “Asllan Rusi”. Avantazhi 27-7 krijuar që në periodën e parë diktoi edhe fatin e takimit, të dominuar nga bardheblutë. Marina Bojka me 24 pikë u dallua në fushë për Tiranën, që qëndron në vendin e dytë.
Kategoria e Parë-Femra, java e 16-të
Partizani – Vllaznia, 85-57
Flamurtari – Teuta, 96-73
Tirana – Elbasani, 84-48
Studenti (pushim)
Renditja: Flamurtari 27 pikë, Tirana 25 pikë, Partizani 24 pikë, Teuta 19 pikë, Vllaznia 19 pikë, Studenti 16 pikë, Elbasani 14 pikë.
