KEKU është skuadra e katërt dhe e fundit që kualifikohet në gjysmëfinale të Kupës së Ligës së Parë te meshkujt.
‘Elektricistët’ në çerekfinale fituan ndaj New Basket me shifrat 77:70 (14:20, 19:14, 16:19, 28:17).
Pjesa e parë ishte e baraspeshuar, ku në çerekun e parë mysafirët ishin më të mirë 14:20, derisa KEKU u kundërpërgjigj në periudhën e dytë 19:14. Dhjetë minutat e fundit ishin vendimtarë, ku skuadra e KEKU-t ishte më e mirë dhe arriti të fitojë 77:70.
Reggie Clark ishtë më i miri te KEKU me 31 pikë, nëntë kërcime e pesë asistime, kurse Jordan Robinson te New Basket me 22 pikë e shtatë kërcime.
KEKU të dielën në gjysmëfinale ndeshet me Istogun në Rahovec, ku po zhvillohet Final 8, derisa gjysmëfinalja tjetër është ndërmjet Grapeland dhe Kosovarit.
