Basketbollisti i ri, Yll Kastrati, është shpallur Shpresa Olimpike 2024 në konkurrencën e meshkujve.
Kastrati ka qenë ndër më të merituarit për suksesin e Kombëtares U-16 në basketboll, e cila u shpall kampione e Divizionit C, duke siguruar ngjitjen në një kategori më të lartë.
Për këto arritje, ai u shpall lojtari më i mirë i kampionatit.
Krahas sukseseve me Kombëtaren, Ylli ka kontribuar dukshëm edhe në nivel klubesh, duke u shpallur kampion i Kosovës në kategoritë U-16 dhe U-18 me ekipin e tij, Marigona.
