Federata e Basketbollit e Kosovës (FBK) ka organizuar Festivalin e Minibasketbollit.
Festivali është organizuar të shtunën në sallën “ProBasket”, Dardani në Prishtinë, ku kanë marrë pjesë rreth 100 fëmijë.
Në këtë Festival kanë marrë pjesë vajza dhe djem nga e gjithë Kosova, ku janë stërvitur dhe kanë luajtur ndeshje, si dhe janë argëtuar së bashku.
Për rreth 3 orë, fëmijët kanë pasur mundësi të argëtohen e të luajnë, derisa shpresojnë se një ditë do të jenë pjesë e rëndësishme në basketbollin e Kosovës.
Festivali i Minibasketbollit zhvillohet në kuadër të Projektit të FIBA-s, i përkrahur nga FIBA Foundation “Basketball for Good”.
Minibasketbolli është në kuadër të Planit Strategjik të Federatës së Basketbollit të Kosovës (FBK), që synon masivizimin e basketbollit, sidomos te grupmoshat e reja, që FBK i ka dhënë rëndësi të madhe me projekte të ndryshme.
