Janë luajtur ndeshjet e javës së 16-të të Superligës në basketboll për meshkuj. Besëlidhja kampione fitoi 116-76 ndaj Apolonisë, ndeshje e luajtur në “Asllan Rusi”.
Pas një pjese të parë në përgjithësi të ekuilibruar, lezhjanët shkëputen në periodën e tretë. Garrick me 20 pikë e Hajdari me 18 pikë u dalluan për Besëlidhjen.
Në Durrës, ekipi i Teutës fitoi 87-80 ndaj Vllaznisë, dy skuadra që duelojnë për një vend në play off. Vendasit u shkëputën në periodën e dytë, duke e ruajtur epërsinë deri në fund.
Vllaznia u përpoq në fund të rikuperojë për pa sukses. Powell me 30 pikë ishte lider në fushë për Teutën, duke i bërë të pavlefshme 23 pikët e Walton për shkodranët.
Ndeshja Kamza Basket-Tirana nuk u luajt.
Në takimet e Kategorisë së Parë për meshkuj, dy kryesuesit e renditjes, Elbasani e Partizani, fituan në ndeshjet e radhës. Mjaft e bukur sfida e luajtur në Korcë, ku Skënderbeu fitoi 112-104 ndaj Pogradecit.
Superliga-Meshkuj, java e 16-të
Kamza Basket – Tirana, s’u luajt
Teuta – Vllaznia, 87-80
Besëlidhja – Apolonia, 116-76
Renditja: Besëlidhja 32 pikë, Teuta 25 pikë, Apolonia 22 pikë, Tirana 21 pikë, Vllaznia 21 pikë, Kamza Basket 20 pikë.
Kategoria e Parë-Meshkuj, java e 16-të
Elbasani – Fieri Basket, 112-93
Partizani – Flamurtari, 86-71
Skënderbeu – Pogradeci, 112-104
Renditja: Elbasani 30 pikë, Partizani 30 pikë, Fieri Basket 23 pikë, Skënderbeu 23 pikë, Flamurtari 20 pikë, Pogradeci 15 pikë.
