Joe Joyce e ka tronditur Daniel Duboisin duke e mposhtur me nokaut teknik në rundin e 10-të në një mec drithërues në Londër. Kjo fitore i ndihmon atij ta bëjë një hap të madh drejt mundësisë për të luftuar për titullin e botës në peshat e rënda.
Joyce, fituesi i medaljes së argjendtë në Lojërat Olimpike 2016, e përdori goditjen e shkurtër si një ekspert i mirëfilltë për t’ia dëmtuar syrin Dubois.
Edhe Dubois shpërndau grushte të fuqishme por u pendua nga syri i vet gjatë rundeve.
Kur meçi po shkonte baras, një goditje e shkurtër e thjeshtë nga Joyce e detyroi Duboisin të ndalet dhe të bjerë në gjunjë në rundin e 10-të. Dubois nuk ia doli të çohet në këmbë në kohë kur gjyqtari i numëroi deri në 10.
Dubois u dërgua në spital menjëherë pas meçit, për shkak të dëmtimit të madh që e pësoi në sy.
“Ai më zuri me goditjet e shkurtra. Nuk mund të shihja më këtë sy. Gjë që ndodh”, tha Dubois pas meçit.
Joyce, 35-vjeçar, mbetet i pamposhtur dhe mban tre tituj pas këtij meçi, britanik, evropian dhe Commonwealth.
Çka është më e rëndësishmja, ai do të kërkojë mundësinë për të luftuar për titullin e botës në kategorinë e rëndë tani.
