Përkundër faktit se është konfirmuar fundi i karrierës së tij, mund të ndodhë një rikthim senzacional i Khabib Nurmagomedov.
Këtë e ka pranuar edhe kreu i UFC-së, Dana White, në një prononcim për “BT Sport”.
White, ka analizuar situatën momentale, duke shtuar se babai i tij dëshironte që Khabib të regjistronte një karrierë prej 30 fitoresh dhe zero humbjesh, andaj besoj se mund të bëhet realitet edhe një ndeshje nga ana e tij.
“Mendoj se babai i tij dëshironte që ai të arrinte rekordin 30-0, dhe ai dëshiron ta arrijë këtë poashtu, pasi e di se babai e dëshironte këtë. Por do të shohim.
Ai dhe unë do të takohemi muajin e ardhshëm për të biseduar. Ai mund të mos pranojë të luftojë. Nuk e di përgjigjen e kësaj”, ka thënë ndër të tjera White.
Kujtojmë, me fitoren e fundit, Nurmagomedov ishte larguar përfundimisht nga ky sport, pasi i kishte premtuar nënës së tij një gjë të tillë.
