Boksieri amerikan Deontay Wilder nuk duelon që prej shkurtit të vitit të kaluar, kur humbi titullin kampion bote në peshën e rëndë (WBC) ndaj Tyson Fury. Humbje që ka shkatërruar disi psikologjikisht e moralisht “Bronze Bomber”, që ende nuk ka vendosur nëse do të rikthehet në ring.
Gjithsesi, përmes një postimi në rrjetet sociale ai konfirmon se është i lumtur dhe se po shijon 30 milionë dollarë fitime që ka bërë gjatë karrierës së tij (42 fitore, 1 humbje, 1 barazim).
I ulur në kolltuk, me një shishe verë përpara, ai komenton në rrjetet sociale: “Kam 99 probleme e halle, por jam ende mbret dhe i pasur”, shprehet Deontay Wilder, tashmë 35 vjeç.
Kohët e fundit është përfolur se ai mund të duelojë ndaj Andy Ruiz Jr., Dillian Whyte, Alexander Povetkin, Oleksandr Usyk etj., por asgjë konkrete.
