John Fury, babai i kampionit të peshave të rënda në WBC, Tyson Fury, pret që karriera e Deontay Wilder të përfundojë të shtunën në mbrëmje.
Fury dhe Wilder do të përplasen për herë të tretë, në “T-Mobile Arena” në Las Vegas.
Dy boksierët u takuan për herë të parë në dhjetor të vitit 2018, kur ata luftuan në një luftë të diskutueshme me dymbëdhjetë raunde në “Staples Center” në Los Angeles.
Në revanshin e tyre në shkurt të vitit 2020, Fury e hodhi Wilderin dy herë në dysheme dhe e fitoi luftën pas shtatë raundeve.
Pas disa pengesave ligjore dhe disa vonesave, lufta e tretë më në fund u caktua për datën 9 tetor.
John Fury nuk ishte kurrë në favor të takimit të tretë, sepse ai donte që djali i tij të përballej me kampionin e atëhershëm Anthony Joshua, i cili fundjavën e kaluar humbi kurorën e tij ndaj Oleksandr Usyk.
Wilder kishte një klauzolë për ripërsëritjen e menjëhershme, të cilën një arbitër e zbatoi ligjërisht në fillim të këtij viti.
Për të fshirë të gjitha dyshimet, John Fury shpjegon se djali i tij do t'i japë Wilderit “goditjen e jetës së tij”.
"Tyson do ta dërgojë atë në pension këtë herë. Ai kurrë nuk do të boksojë pas kësaj, ai do të goditet fuqishëm. Ai do të copëtohet. Ai u poshtërua herën e kaluar. Ai e lëshoi gjithë Amerikën poshtë. Tysoni e copëtoi atë. Ai është me fat që do të boksoj me Tysonin për herë të tretë", tha John Fury për “BT Sport”.
"Pas asaj shfaqjeje të fundit, ai nuk e meriton luftën. Duhet të ishte ai dhe Joshua. Njerëzit që duan gjakun dhe gërvishtjet e lëndimet do të kenë një natë të duhur, më besoni", tha në fund babai i Furyt.
