Tyson Fury dhe Oleksandr Usyk kanë shkëmbyer disa mesazhe me njëri-tjetrin përmes një bisede në ‘FaceTime’.
Dy kampionët e peshave të rënda në boks nuk do të mund përballen më njëri-tjetrin në duelet e radhës, pasi për të dy ka një obligim shtesë.
Fury do të përballet me Dillian Whyte, ky i fundit i mandatuar nga WBC, derisa Usyk ka revanshin me Anthony Joshua.
Por, në një bisedë të fundit mes tyre në ‘FaceTime’, Fury e ka paralajmëruar se “po vjen” për ukrainasin.
“Oleksandri i madh. Thuaji Oleksandr se po vij”, ka thënë Fury, transmeton lajmi.net.
Fury dhe Usyk kishin 30 ditë kohë që të pajtoheshin për një meç mes tyre, por nuk e arritën këtë gjë.
Tani, të dy do të kenë nga një duel tjetër, para duelit të mundshëm mes tyre.
