Gjithçka mbaroi për dy runde në Kingdom Arena në Riad të Arabisë Saudite.
Anthony Joshua nokautoi Francis Ngannoun, luftëtarin e UFC-së i cili pësoi një goditje të rëndë!
Rundi i parë, boksierët janë shumë të kujdesshëm.
Joshua me një goditje jo aq të fuqishme e rrëzoi në dysheme rivalin.
Gjyqtari i numëroi Ngannou.
Në rundin e dytë, Joshua shumë i mirë ndaj boksierit nga Kameruni.
Britaniku me një goditje të fuqishme e nokautoi Ngannoun.
Meçi mbyllet për dy runde dhe nuk zgjati për 10 sa ishte paraparë.
“Unë e kam thënë se cila do të jetë sfida ime e radhës.
Dua fituesin e duelit që do të dalë nga përballja mes Fury dhe Usyk, po këtë vit. Unë dua të boksoj”, tha Joshua.
I pranishëm në stadium edhe Tyson Fury, që duartrokiti fitoren e patriotit të tij
Joshua është një ish-kampion i unifikuar i peshave të rënda WBO, WBA dhe IBF. Ai ka fituar tri meçet e tij të fundit, kundër Jermaine Franklin, Robert Helenius dhe Otto Wallin, pra pas humbjeve të njëpasnjëshme ndaj Oleksandr Usyk.
Joshua tash ka 28 fitore në karrierë. I ka edhe tri humbje.
