Daniel Dubois ka shkëlqyer sonte në Arabinë Saudite.
Dubois shënoi fitore në duelin kryesor të mbrëmjes së boksit, duke e mundur Anthony Joshuan me nokaut.
Ishte një goditje në kundërsulm në raundin e pestë, nga e cila nuk mundi të ngrihej ish-kampioni i botës, Anthony Joshua.
Dubois - djathtas feston
Qysh prej raundit të parë, Dubois e nisi me një nokdaun, për ta vazhduar dominimin në raundet vijuese.
Dubois ka shkëlqyer duke ia shkaktuar Joshuas njërën prej humbjeve më të rënda në karrierë. Dubois mbrojti titullin e botës në versionin IBF.
Boksieri britanik, Daniel Dubois, e ka quajtur veten gladiator pasi shkatërroi ish-kampionin Anthony Joshua.
“A jeni argëtuar?” pyeti Dubois tifozët në “Wembley” fillimisht para se të merrte mbështetjen e tyre. “Jam një gladiator”, shtoi ai.
“Ishte një rrugë e gjatë, jam i lumtur që jam në këtë pozitë. Dua të jem në majë të sportit, Zoti ju bekoftë të gjithëve. E falënderoj familjen time dhe ekipin që më ndihmoi të jem i gatshëm sonte.
Është koha ime, nuk do të ndalem pa shfaqur gjithë potencialin tim”, u shpreh më tej Dubois.
