Motra e boksierit Besar Nimani, është dorëzuar në polici.
Lajmi u bë i ditur nga Policia e Bielefeldit.
Ajo kishte qenë e kërkuar nga autoritetet gjermane, si e dyshuar në rastin e plagosjes së katër personave.
Sipas njoftimit e dyshuara do të përballet me dy vepra penale “Vrasje në tentativë” si dhe “Lëndim i rëndë trupor”.
“Një grua 33-vjeçare nga Bielefeld, e kërkuar nga policia dhe prokuroria publike në bazë të një urdhër-arresti, është vetëdorëzuar në policinë e Bielefeldit mbrëmjen e 28 shkurtit 2025, e shoqëruar nga avokati i saj. Gruaja është motra e vëllait të ish-boksierit të vrarë, i cili gjithashtu u arrestua. E pandehura përballet me katër akuza për vrasje në tentativë dhe për veprën penale lëndim i rëndë trupor. Përfshirja e saj e saktë në krim është ende nën hetim”, thuhet në njoftimin e Policisë së Bielefeldit.
Sipas policisë, e dyshuara nuk e ka pranuar fajësinë dhe tashmë është dërguar në një qendër paraburgimit.
Në fund policia njoftoi se katër personat e plagosur në këtë ngjarje janë në gjendje të qëndrueshme.
Më 26 shkurt, u zhvillua gjykimi i njërit prej të akuzuarve për vrasjen e boksierit nga Kosova, Besar Nimanit.
Aty nga të shtënat jashtë gjykatës, u plagosën katër persona në mesin e tyre edhe familjarë të të akuzuarit për vrasjen e boksierit.
Më vonë u raportua se babai i të akuzuarit kishte vdekur si pasojë e plagëve të marra të cilave s’arriti t’ju mbijetonte.
E ditë më parë në polici u dorëzua edhe Berat Nimani, vëllai i boksieri tashmë të ndjerë.
