Mediat britanike kanë publikuar historinë e 3-vjeçarit shqiptar që është kthyer në një fenomen në internet për shkak të veshjeve të shtrenjta që ekspozon.
Nuk është e pazakontë për një influencer me mijëra ndjekës të ketë një gardërobë të mbushur me rroba firmato, por është jashtë të zakonshmes kur ai është ende i mitur.
3 vjeçari Elension Sulaj jeton në Waltham Cross në Hertfordshire. Ai ka rreth 26 mijë ndjekës në rrjetet sociale dhe me gardërobën e tij mbi 10 mijë paundë bën postime për Burberry, Versace, Gucci, Givenchy, Moschino and Ralph Lauren.
Nëna e tij, Enkeleda Sulaj e ka pasion veshjen e djalit të saj, ajo ka hapur një llogari të Elensios kur ai ishte vetëm 1 vjeç. Që nga ajo kohë, ajo i ka mësuar vogëlushit të bëjë selfie dhe të “arrijë” marrëveshje të markave me kompanitë e veshjeve.
