Prej pak muajsh, Fjoralba Ponari ka bërë publike lidhjen e saj të dashurisë, por portretin e partnerit të saj nuk e kishte publikuar.
Në të gjitha fotot që moderatorja ka postuar me të në rrjete sociale, ka përdorur ‘emoji’ të ndryshme për t’i mbuluar fytyrën.
Por, më në fund, ditën e djeshme, Fjoralba publikoi në Instastory një foto krah partnerit që i ka vjedhur zemrën dhe këtë herë pa e mbuluar fytyrën e tij.
Dyshja shfaqen duke darkuar në një restorant teksa janë ulur pranë njëri-tjetrit.
Identiteti i Françesko Bahollit u zbulua gjatë kohës kur moderatorja publikoi foto të njëpasnjëshme krah tij në Instagram.
Në rrjet filluan të qarkullonin foto të tij dhe u zbulua se është sportist xhudoje në Tiranë, si dhe inxhinier software.
Gjatë një interviste, ajo ka treguar se nuk dëshiron që ta ekspozojë shumë në rrjete sociale, sepse nuk është personazh publik.
