Reperi i njohur shqiptar, Mozzik, vazhdon të jetë një prej reperëve më të ndjekur të estradës në rrjetet sociale.
Ai shpesh ndan me ndjekësit fotografi dhe video të ndryshme nga jeta e përditshme apo aktivitetet muzikore.
Ka tash e sa kohë që ai nuk ka publikuar imazhe përkrah Loredanës, e cila është nëna e vajzës së tij, Hanës, me të cilën i stopoi raportet në vitin 2019.
Mirëpo dyshja janë kapur disa herë bashkë nga paparacët, teksa pak javë më parë, dyshja ishin së bashku edhe në pushime në Dubai.
Përkundër faktit që fotografitë e përbashkëta kanë munguar, Mozzik, ka publikuar së fundmi në rrjetin social një fotografi, ku në një pjesë të vogël shihet edhe Loredana.
Bëhet fjalë për një fotografi, ku ai shihet i zhveshur, teksa edhe femra në fotografi tymos një cigare, të dhënë nga dora e Mozzikut.
Edhe pse ai nuk e ka etiketuar Loredanën në fotografi e as nuk ka shkruar asgjë në lidhje me të, prapëseprapë fansat e kanë kuptuar nga ato pak mimika të fytyrës që shfaqen në fotografi, se ajo është Loredana.
“Kush është ajo pran meje?”, ka pyetur reperi në mbishkrimin e fotografisë, e cila ka marrë shumë përgjigje nga ndjekësit në hapësirën për komente, shumica prej të cilëve kanë thënë se është Loredana.
